Gjirokastër, polifonia kalon te të rinjtë

Gjirokastra i ka rezistuar futjes sazeve në muzikën e saj popullore. Qyteti ruan me fanatizëm polifoninë, veçanërisht atë me katër zëra, përcjell Top Channel.

“Ne në familjen tonë e kemi të trashëguar brez pas brezi”, rrëfen Roland Cenko, mjeshtër i isopolifonisë.

Tradita po  kalohet edhe fëmijëve, janë 100 nxënës që po mësojnë të këndojnë polifoninë e qytetit. Grupi i vajzave të shkollës “Naim Frashëri” ka qenë pjesë e shumë takimeve muzikore rajonale

Mësuesja e tyre thotë se gjithcka e bën për të trashëguar traditën e qytetit.

“Ngaqë janë ralluar këngët polifonike të vjetra ne i kemi kënduar dhe i kemi risjellë. Shkolla jonë është e vetmja që merret me polifoninë”, thotë mësuesja Evi Pasko.
Mjeshtri i polifonisë Roland Çenko sheh si sfidë madhore që lidhen me vijimësinë mungesën e kostumeve traditcionale ndërsa kërkon më shumë mbështetje institucionale për kërkimet mbi isopolifoninë

“Vështirësia më e madhe që une po has është kostumet kombëtare”, thotë Cenko.

Polifonia shqiptare u njoh prej UNESCO në vitin 2005 si kryevepër e trashëgimisë gojore botërore.

Lajme të ngjashme

Leave a Reply

Your email address will not be published. Required fields are marked *

Back to top button