Parkingjet në Strugë, ja çfarë zgjidhje premtojnë kandidatët për kryetar (VIDEO)
Pas Komunës së Tetovës dhe asaj të Çairit, për tu përballur në #Debatpernime radhën e kanë kandidatët e Strugës, njofton Portalb.mk.
Kaosi në komunikacion nuk është ndonjë veti e veçantë për Strugën, por kjo bëhet në sezonin turistik, kur rritet numri i pushuesve. Gjegjësisht në Strugë ka një parking të madh në Qendër të Strugës e cila ka hapësirë për 300-400 vetura, gjë që është pak.
Kjo përbën problem shtesë, pasi që në atë periudhë përveçse ngarkohet komunikacioni, shoferët i parkojnë veturat ku të munden.
Kandidatët e Strugës kanë premtuar disa zgjidhje për këtë çështje:
Ziadin Sela – Aleanca për Shqiptarët
- “Do të ndërtojmë parking nëntokësor afër plazhit te Karaormani (Brenda 2 viteve)”.
Vasill Ashtallkovski – LSDM
- “Garazh në kate, në afat prej 2 vite (pasi të krijohet plani urbanistik). Duhet të themelohet, ndërmarrja publike për parkingjet. Shtigje për biçikleta”.
Lavdrim Elmazi – Lëvizja BESA
- “Kemi projekt, në 100 ditët e para do të realizohen, parkingjet me sms”.
