fbpx

Tre muaj nga arratisja e Grujoskit dhe Boshkovskit, policia ka informacione

U bënë tre muaj që nuk ka shenja nga arratisja e Goran Grujoski dhe Nikolla Boshkovskit, ish pjesëtarë të Ministrisë për Punë të Brendshme (MPB) dhe Drejtorisë për Siguri dhe Kundërzbulim (DSK) ku edhe gjendet sistemi i përgjimeve, rast hetimi i Prokurorisë Speciale Publike (PSP), njofton Portalb.mk.

Për këtë, ministri i Punëve të Brendshme, Oliver Spasovski tha se çdo ditë marrin informacione por që nuk mund të ndahen me publikun.

“Ne kemi njohuri, çdo ditë marrim të dhëna të ndryshme, i kontrollojmë, por nuk janë të dhëna që mund t’i ndajmë në publik “, tha Spasovski, ku ndër të tjerash tha se deri në fund të vitit duhet të presim zgjidhje ligjore në pjesën e ndjekjes së komunikimeve, dhe nëse DSK-ja do të jetë nën kontrollin e drejtpërdrejtë të qeverisë, e jo të Ministrisë së brendshme.

Arratia e tyre është e organizuar meqë u tha se Goran Grujoski për t’u arratisur ka përdorur pasaportë me identitet të dyfishtë. Në lidhje me këtë në MPB zhvillohet hetim se kush iu ndihmoi Grujoskit dhe Boshkovskit që të arratisen. Sipas ministrit për Punë të Brendshme, Oliver Spasovski arratia e tyre është gabim i gjykatës.

Vendimin për paraburgim Gjykata e Apelit në Shkup e dha më 18 korrik, por ai nuk hyri në fuqi menjëherë pasi që pritej vendimi i Gjykatës së Lartë, e cila vendimin e shpalli më 26 korrik rreth orës 14. Procedura e nevojshme për vendim të arrestimit nga MPB zgjati 7 orë, kohë e mjaftueshme që Goran Grujoski dhe Nikolla Boshkovski të arratisen.

Mediat nxorën informata se të njëjtët gjenden në Bosnjë e Hercegovinë dhe se Goran Grujoski për t’u arratisur ka marrë identitet tjetër, atë të kolegës së tij polic, Vlladimir Varellov. Pasaportë me emër të Vlladimir Varellovit kurse me fotografi të Goran Grujoskit është përpunuar në MPB dhe ky i fundit me po të njëjtën ka udhëtuar për në Bullgari para shqyrtimit të masës së paraburgimit. Gjykata e Apelit u përcaktoi paraburgim si të dyshuar në rastin “Target” dhe “Fortesa” të Prokurorisë Speciale Publike.

Grujoski është i akuzuar për vepra penale “shoqërim kriminel”, “keqpërdorim të detyrës zyrtare dhe autorizimit” dhe “falsifikim të dokumenteve”, ndërsa Nikolla Boshkovski akuzohet për vepra penale “keqpërdorim të detyrës zyrtare” dhe “falsifikim të dokumenteve”.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close