Inter fiton në fund, Immobile vazhdon të shkëlqejë

Interi ka arritur të marrë tre pikë mjaft të vështira, ndaj Genoas, duke fituar me rezultatin minimal 1-0, pas golit të shënuar nga D’ambrosio, 3 minuta para fundit të takimit, transmeton Top Channel.

Zikaltrit patën kontrollin e topi, që edhe këtë herë ishte në shifrat mbi 60%, por rasti më i mirë ishte ai i minutave të para me kroatin Perisiç.Në pjesën e dytë, trajneri Spalletti përforcon sulmin, duke hedhur në fushë Eder, Joao Mario dhe debutuesin Karamoh. 19 vjeçari francez dhuroi disa numra mjaft të bukur në fushë, ku veçohen disa shpërthime në krah dhe një goditje e bukur e pritur nga portieri Perin.

Në minutën e 87, zikaltrit kaluan në avantazh me golin e shënuar nga D’ambrosio, pas një krosimi nga këndi, ndërsa 3 minuta më pas Genoa mbeti me dhjetë futbollistë, pas kartonit të kuq të marrë nga Omeonga. Në minutën e fundi shtesë, ndëshkohet edhe Taarabt me karton të kuq, pas një faulli të rëndë ndaj 19 vjeçarit Karamoh.

Crotone e Arlind Ajetit ka arritur të marrë një fitore mjaft të rëndësishme për mbbijetesëm, 2-0 ndaj Beneventos së Ledian Memushajt. Dy futbollistët e kombëtares shqiptare e nisën si titullarë sfidën, ndërsa Memushaj u zëvendësua në minutën e 59.

Triumfon edhe Lazio e Thomas Strakoshës, 0-3 në transfertën ndaj Veronas, ku edhe pse me mungesa të shumta në mbrojtje, Ciro Immobile u tregua sërish vendimtar me dy gola të shënuar dhe një asist.

Lajme të ngjashme

Leave a Reply

Your email address will not be published. Required fields are marked *

Back to top button