“KoKo Fest 2017” përmbyll edicionin e katërt, sot nata finale (FOTO)
Festivali Mbarëkombëtar i Komedisë ”KoKo Fest”, sot përmbyll edicionin e saj të katërt, njofton Portalb.mk.
Në këtë festival pjesëmarrës kishte edhe nga Maqedonia, Teatri Shqiptar i Shkupit me regjisorin Agon Myftari me “Shfaqja që shkon mbrapsht”, regjisori Qendrim Rijani me shfaqjen “39 Hapat” e Teatrit të Metropolit-Tiranë dhe regjisori Kushtrim Bekteshi me “Tartufin” e Teatrit të Shkodrës “Migjeni”.
Që të trija shfaqjet kanë qenë të pritura mirë nga publiko teatrodashës i komedisë i Korçës dhe më gjerë.
Krahas tyre, në këtë Festival morën pjesë edhe shfaqja “8 femrat” e teatrit Andon Zako Çajupi në Korçë, “Shtëpia pa dritare” e teatrit “Petro Marko”, “I ligu për mend” nga Kosova, “Ferma e kafshëve” e Teatrit Eksperimental të Tiranës
Më 17 shtator u shfaq “8 femrat” e teatrit Andon Zako Çajupi në Korçë.
Më 18 shtator u shfaq “Shtëpia pa dritare” e teatrit “Petro Marko” në Vlorë.
Më 19 shtatori shfaqja “39 hapat” e Teatrit Metropol.
Më 20 shtator u dha shfaqja “Shfaqja që shkon mbrapsht”.
Më 21 shtator u shfaq “Tartufi”.
22 shtatori i takoi Teatrit Eksperimental të Tiranës duke sjellë shfaqjen “Ferma e kafshëve”.
Festivali do të përmbyllet sot me shfaqjen nga Teatri Kombëtar i Kosovës “I ligu për mend”.
Përndryshe, “KoKo Fest” u mbajt në skenën e teatrit “Andon Zako Çajupi”, nga data 17-23 shtator dhe është i vetmi Festival i Komedisë në Shqipëri me performancat më të mira dhe trupat e njohura nga vendi dhe jo vetëm.