U arrestua Igor Jug – njëri nga dhunuesit e 27 prillit në Kuvendin e Maqedonisë, që u kërkua me fletarrestim
Sot në mëngjes në Kumanovë është arrestuar Igor Jug, njëri nga grupi i banditëve që me 27 prill sulmuan deputetë dhe gazetarë në sallën e Kuvendit të Republikës së Maqedonisë, konfirmojnë për “TV Tellma”, burime nga hetimet, njofton Portalb.mk.
Kundër tij është hapur padi menjëherë pas incidentit, por ishte i pakapshëm për organet e rendit.
Arresimi i tij është konfirmuar edhe nga policia. Siç bëjnë të ditur nga TV Tellma Igor Jug është gjetur në banesën e babait të ndjerë në Kumanovë.