Zjarr i madh në Londër

Zjarr i madh dje shpërtheu në një depo në pjesën veriore të Londrës.

Në lokalizimin e zjarrit janë angazhuar 120 zjarrfikës me 25 automjete.

Në rrjetet sociale janë publikuar fotografi nga depoja në zjarr, prej ku ngritet tym i dendur i zi.

“Bëhet fjalë për zjarr të madh dhe ka shumë tym. Për shkak të kujdesit, popullata lokale u këshillua t’i mbyllin dritaret dhe dyert”, deklaroi përfaqësuesi i njësisë zjarrfikëse, Sem Kazmanli.

Shkaku i zjarrit ende nuk është i njohur.