Zaev: Nëse nuk i fiton zgjedhjet, do të kisha dashur Taravari të kthehet në pozitën e ministrit
“Unë te Taravari shoh ministër kualitativ për Shëndetësi dhe nuk do të kisha hequr dorë nga ai nëse qytetarët e Gostivarit nuk e zgjedhin për kryetar të komunës”, deklaroi kryeministri Zoran Zaev në emisionin “Top Tema” në TV “Telma”, njofton Portalb.mk.
“Nuk do të kisha dashur të heq dorë nga një ministër kualitativ për Shëndetësi nëse i humb zgjedhjet lokale në Gostivar. Nuk jam pajtuar me kandidaturën e tij për kryetar të Gostivarit, por e respektoj vendimin e tij personal dhe të partisë së tij”, tha Zaev.
