fbpx

PDSH-ja zgjodhi kandidatët për Tearcën, Zhelinën dhe Bogovinën

Në vazhdën e aktiviteteve partiake sot dega e PDSH-së në Tearcë mbajti kuvend zgjedhor ku u zgjodh kandidati i mundshëm për Kryetar i komunës së Tearcës, bartësi i listës si dhe lista e kandidatëve për këshilltarë komunal.

“Kuvendi i degës propozoi dhe për kandidat të mundshëm për Kryetar të komunës së Tearcës e zgjodh, Ruhan Iljazi, kurse për bartëse të listës së këshilltarëve, Fatmire Isaku. Kryetari i Partisë Demokratike Shqiptare, Menduh Thaçi në fjalimin e tij para kuvendarëve mes tjerash potencoi: ‘Shqiptarët vazhdojnë të ballafaqohen me situatë të rëndë dhe me humbje të kërkesave politike dhe penda e fundit që e ndal këtë situatë është PDSH dhe jeni ju aktivistët e PDSH-së, andaj është me rëndësi të madhe ruajtja e organizimit politik të shqiptarëve e kjo është PDSH-ja’”, thuhet një njoftimin e PDSH-së.

Gjithashtu u zgjodh edhe kandidati i mundshëm për Kryetar i komunës së Zhelinës, si dhe lista e kandidatëve për këshilltarë komunal. Kuvendi i degës propozoi dhe për kandidat të mundshëm për Kryetar të komunës së Zhelinës u zgjodh, Sali Ajdini.

Kryetari i Partisë Demokratike Shqiptare, z.Menduh Thaçi në fjalimin e tij para kuvendarëve mes tjerash potencoi:

“Pushteti lokal është shumë i ndjeshëm dhe shumë i rëndësishëm unë mendoj se ne bashkërisht do të arrijmë që ta mobilizojmë popullin tonë që të çohet në këmbë. E keqja që i vjen këtij populli është Ali Ahmeti dhe BDI-ja. PDSH-ja do ta jep kontributin e vërtet që të kthehet kjo politik e mbrapsht e BDI-së dhe Ali Ahmetit, por edhe këtyre partive tjera që e luajnë rolin e opozitës. Situatat fillojnë të bëhen shumë serioze, shpresoj se nuk del kështu si e parashikoj për këta zgjedhje. Mendoj se maqedonasit duan ta rrumbullakojnë një projekt dhe program që e kanë përgatitur, që ti fitojnë një pjesë të komunave shqiptare si Strugën, Kërçovën, Dibrën, Hraçinën, e kështu me radhë dhe kjo është jashtëzakonisht e dëmshme. Marrja e pushtetit lokal në këto zona shqiptare nënkupton marrjen e pushteti që ka kontakt direkt me qytetarët dhe me regjistrimin e popullsisë. Ata përgatiten për këtë regjistrim dhe në kuadër të këtij regjistrimi duan që mundësisht të na ndjerin neve sa më pak dhe të fitojnë të drejtën që të na quajnë pakicë. Ne bashkërisht, deri në fund duhet të mundohemi që mos të ndodh ky plan, andaj duhet tu apelojmë krejt shqiptarëve që të çohen në këmbë, të dalin të votojnë, të votojnë PDSH-në, se nuk është vota lojë, vota është perspektivë e vërtet individuale, familjare dhe e gjithë popullit”.

Gjithashtu kuvendi i degës së PDSH-së zgjodhi avokatin Elvir Iseni për kandidat të mundshëm për Kryetar të komunës së Bogovinës.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close