fbpx

Carovska: As nuk do të vendosen refugjatë, as nuк nuk do të ndërtohen banesa për ta

As nuk do të vendosen refugjatë në Maqedoni, as nuk do të ndërtohen banesa për ta, tha sot ministrja e Punës dhe Politikës Sociale, Milla Carovska, që në Manastir mori pjesë si mysafire në seancën e Këshillit të komunave.

VMRO-DPMNE, tha ajo, përhap ksenofobi dhe lajme të rrejshme.

“Ne si Qeveri i këshillojmë këshilltarët që të jenë të kujdesshëm dhe me përgjegjësi ta shfrytëzojnë foltoren në komunë. Le të thonë nga VMRO-DPMNE me cilin dokument Qeveria është angazhuar të shpenzojë mjete financiare apo ka bërë dokumente projektuese për ndërtimin e banesave”, tha ministrja e Punës dhe Politikës Sociale.

Përkundrazi, potencoi ajo, kjo ka ndodhur në kohën  kur VMRO-DPMNE kanë qenë në pushtet dhe kanë marrë parcelë dhe kompetencë në komunën e Sarajit.

“Kjo strategji nuk ka të bëjë me emigrantët, përkundrazi Rezolutën që e solli Kuvendi i Republikës së Maqedonisë për emrigrantë e votuan shumica e VMRO-DPMNE-së. Maqedonia është shtet i cili ka ratifikuar Konventa për mbrojtjen e të drejtave të njeriut. Është shumë me rëndësi të potencohet se referendumi është e drejtë demokratike dhe ne besojmë në prononcimin e qytetarëve për çështje të rëndësishme, por kjo çështje është çështje e rrejshme”, theksoi ministrja Carovska.

Rast për pjesëmarrjen e ministres Carovka në seancën e Këshillit komunal ishte pika e rendit të ditës për fillimin e procedurës për organizimin e Referendumit në Manastir. E vendosi shumica e këshilltarëve të Këshillit manastiras të kryesuar nga koalicioni i VMRO-DPMNE-së “Për një Maqedoni më të mirë” me të cilin parashikohet prononcimi në referendum i qytetarëve për ose kundër vendosjes dhe integrimit të emigrantëve në rajonin e komunës së Manastirit.

Sipas kryetares së Këshillit Komunal, Silvana Angelevska, pika e rendit të ditës është vendosur me kërkesë së qytetarëve.

Koordinatorja e grupit të këshilltarëve të LSDM-së, Natasha Petrovska kërkoi, siç tha, të hiqet frika e vendosur artificiale nga ana e DPMNE-së ndaj qytetarëve të Manastirit.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close