Kroacia në shkolla vendos vakte falas me fruta, perime dhe produkte të qumështit

Për shkak të ngritjes së vetëdijes për ushqim të shëndetshëm si dhe rritjen e konsumit të frutave dhe perimeve të freskëta, qumështit dhe produkteve të qumështit, Kroacia prej këtij viti filloi me vendosjen e vakteve falas, transmeton MIA.

Për zbatimin e projektit për një vakt plotësues me fruta dhe perime të freskëta, qumësht dhe produkte të qumështit janë siguruar tre milionë euro. Çdo shkollë e cila dëshiron të marrë pjesë në projekt vetë i kërkon furnizuesit të cilët do të sigurojnë fruta dhe perime (100 – 150 gramë për një fëmijë në javë) dhe qumësht, jogurt dhe të tjera (0,15 -0,25 L. për një fëmijë në javë).

Frutat dhe perimet do të dërgohen të paktën një herë në javë si edhe qumështi dhe produktet e qumështit.
Vakte me fruta dhe perime falas do të marrin nxënësit prej të gjitha shkollave fillore dhe të mesme, ndërsa qumësht dhe produkte të qumështit – nxënësit e shkollave fillore prej klasës së parë deri në klasën e katërt.

Ministria e Bujqësisë e Kroacisë thekson se shkollave do t’u dorëzohen, mandarina, mollë, dardha, kajsi, pjeshkë, qershi, domate, karota, qumësht i pasterizuar, jogurt, kos dhe llojet të tjera të qumështit të fermentuar.
Për projektin tani për tani janë paraqitur 1.119 shkolla dhe 87 furnizues.