PTHP hapi lëndë për sulmin ndaj gazetarëve të NOVA TV
Prokuroria Themelore Publike- Shkup (PTHP) ka marrë njoftim nga Ministria e Punëve të Brendshme në lidhje me ngjarjen që ka ndodhur me 23 gusht, kur gazetarët e NOVA TV gjatë kryerjes së detyrës u sulmuan, njofton Portalb.mk.
“Pas pranimit të njoftimit, Prokuroria Themelore Publike – Shkup menjëherë formoi lëndë dhe të njëjtën e ndau te një prokuror publik. Nga ana e prokurorit janë dhënë urdhra që kanë për qëllim konfirmimin e identitetit të kryerësve të veprës dhe zbardhjen e plotë të ngjarjes dhe pastaj të jepet vendimi nga Prokuroria”, kumtuan nga PTHP.
