“Sharli Ebdo” vjen me karikaturën më të re për uraganin Harvi
Revista satirike franceze “Sharli Ebdo” në ballinën e numrit të ri, që doli sot, publikoi një karikaturë për uraganin Harvi, nga i cili janë shkaktuar dëme të mëdha në shtetin amerikan Teksas.
Karikatura dje është publikuar në faqen Facebook të revistës.
Në të vërehen flamujt e Rajhit të Tretë deri në gjysmë të mbytur në ujë. Nga uji dalin duar, të cilat tregojnë përshëndetje naziste.
Në vizatim qëndron teksti: “Zoti ekziston! Ai i ka mbytur të gjithë neonazistët në Teksas”.
Në këtë mënyrë revista i ka ndërlidhur vërshimet që janë shkaktuar nga uragani Harvi me përleshjet e paradokohshme në Sharlotsvil, ku u konfrontuan neonazistët dhe antiracistët.