Sulm me thikë në Rusi, 8 të plagosur
Plagosen 8 persona në një sulm me thikë në qytetin Surgut të Rusisë, raporton Anadolu Agency (AA).
Në një deklaratë nga Komiteti i Hetimeve të Rusisë thuhet se një person me thikë ka sulmuar qytetarët të cilët kalonin në rrugë, në qytetin Surgut.
Tetë persona u plagosën si pasojë e këtij sulmi, ndërsa policia qëlloi sulmuesin dhe e neutralizoi atë.
Pas incidentit, forcat e sigurisë ruse rritën masat e sigurisë në vend, ndërsa vazhdojnë hetimet lidhur me arsyet e rastit.