Shëndetësia mbetet pa para për projekte të cilat paralajmërohen me vite

Sipas rebalansit të fundit të buxhetit shtetëror paratë për rikonstruim dhe rindërtim të enteve shëndetësore publike ulen nga 81 në vetëm 31 milionë denarë. Për ndërtimin e ambulancave nëpër fshatra mbeten vetëm 7 nga 17 milionë denarë të parashikuar, ndërsa për gjysmë ulen edhe mjetet për qendrën diagnostike në Tetovë.

Për këtë ministri i shëndetësisë thotë se nuk ka vend për shqetësim.

“Mos u merrni me atë se ku dhe çfarë do të shkurtohet, duhet të shohim a do të ketë ndikim shkurtimi në shërbimet shëndetësore”, tha sot në një takim me gazetarët Nikolla Todorov, ministër i Shëndetësisë.

Megjithatë është fakt se ulen edhe paratë për një nga projektet më të mëdhenj të ministrisë, i paralajmëruar nga ministri i mëparshëm Bujar Osmani. 

Sistemi i integruar informativ krejtësisht shkëputet, përderisa paratë për kartelën e famshme shëndetësore ndahen për gjysmë.

Pavarësisht nga këto të dhënat nga Ministria e shëndetësisë thonë se projektet nuk do të ndalen, por vetëm do të prolongohen pagesat ndaj firmave. /portalb

Lajme të ngjashme

Back to top button