Moti sot në Maqedoni

Me temperatura të larta nga faza portokalli edhe sot do të përfshihet territori i gjithë shtetit, kumtoi Ministria e Shëndetësisë konform paralajmërimit të meteo-alarmit nga Drejtoria për punë hidrometeorologjike.

Nga Ministria e Shëndetësisë rekomandojnë që nga obligimet e punës të lirohen gratë shtatzëna dhe personat mbi 60 vjeç, ndërsa të gjithë personat e tjerë për çfarëdo lloj problemi shëndetësor menjëherë të paraqiten tek mjeku i tyre amë.

Punëdhënësve nga Ministria u rekomandojnë që ta riorganizojnë orarin e punës në drejtim të evitimit të të aktiviteteve në të hapur në periudhën nga ora 11 deri në orën 17, si dhe sigurim të pushimit nën hije dhe lëngje të mjaftueshme në çdo dy orë.

Ministria e Shëndetësisë rekomandon që të mos mbahen aktivitete sportive në të hapur në periudhën nga ora 11 deri në orën 17, ndërsa posaçërisht u rekomandohet institucioneve për përkujdesje të fëmijëve (kopshtet) të mos i nxjerrin fëmijët në të hapur dhe të mos praktikojnë aktivitete fizike në periudhën e përmendur.

Për qytetarët nga i gjithë shteti nga Ministria përkujtojnë se nevojitet t’i respektojnë rekomandimet e përgjithshme për mbrojtje nga temperaturat e larta, siç janë: mbrojtje nga ekspozimi i drejtpërdrejt në diell, evitim të qëndrimit në të hapur në periudhën nga ora 11 deri në orën 17, veshje të rrobave të lehta dhe me ngjyrë të ndritshme, konsumim të ushqimit të lehtë dhe lëngje dhe mënyrë higjienike të përgatitjes së ushqimit.

Të sëmurëve kronikë u rekomandohet marrja e rregullt e terapisë së përshkruar, ndërsa gjatë paraqitjes së çfarëdo lloj problemi shëndetësor ta kontaktojnë mjekun e tij amë. Për shkak të temperaturave më të larta të cilat paralajmërohen për ditët e ardhshme, Ministria njofton se nevojitet shkallë më e lartë e kujdesit gjatë përgatitjes dhe konsumimit të ushqimit. Informata për valët e të nxehtit vazhdimisht janë qasëse në internet-faqen www.toplotnibranovi.mk

Lajme të ngjashme

Leave a Reply

Your email address will not be published. Required fields are marked *

Back to top button