Kondovë, 21 vjeçari e pranon se e ka vrarë bashkëfshatarin 57 vjeçar para një jave
Një djalosh 21 vjeçar nga fshati Kondovë, mbrëmë është arrestuar në Stacionin Policor Gjorçe Petrov, pasi që ka pranuar se përpara një jave e ka vrarë bashkëfshatarin e tij M.M. (57) dhe e ka zbuluar se ku gjendet trupi i të ndjerit, informojnë nga MPB, njofton Portalb.mk.
Sipas policisë, 21 vjeçari M.T., më 11 korrik, rreth orës 21:30 në afërsi të Kondovës e ka vrarë M.M., i cili në ndërkohë ka qenë i paraqitur si i zhdukur.
Mbrëmë ekipi i policisë, rreth mesnatës, në vendin e treguar nga M.T., në Kondovë e ka gjetur trupin e M.M., ku menjëherë është kryer ekspertizë me praninë e prokurorit publik.
