Ja qëndrimi i VMRO-DPMNE-së për gjuhën shqipe

VMRO-DPMNE-ja taktizon me ligjin për gjuhën shqipe. Partia e Nikolla Gruevskit nuk do të propozoj një ligj për shqipen siç paralajmëroi një ditë më parë, por fillimisht do ta presë propozimin e shumicës parlamentare, transmeton Alsat M. 

Deputeti i kësaj partie Ilija Dimovski i cili jo më larg se dje paralajmëroi se VMRO-ja do të shqyrtojë mundësinë për të iniciuar ligj për shqipen, sot deklaroi se opozita fillimisht do të hetojë se çfarë fshihet pas propozimit të shumicës.

“Ligjin për gjuhët duhet ta shohim çfarë përmban propozimi i shumicës, çfarë përmban ai ligj dhe për çfarë janë marrë vesh. Neve disa herë para zgjedhje por edhe pas tyre jemi shprehur se gjithçka që nuk cenon Kushtetutën dhe karakterin unitar të Maqedonisë dhe që është në korniza për përmirësimin e mundësive të qytetarëve për t’i shfrytëzuar të drejtat e tyre kushtetuese në kuadër të komunave me mbi 20%, ne jemi të gatshëm ta shqyrtojmë. Gjithçka që i kalon ato kufij do të jetë rrezik në vete” – deklaroi Ilija Dimovski, deputet i VMRO-DPMNE-së.

Protestuesit e nismës për Maqedoni të përbashkët të cilët mbi 70 ditë protestuan kundër deklaratës së përbashkët të partive shqiptare, e cila gjithashtu përfshinte zyrtarizimin e gjuhës shqipe në nivel shtetërore, sot nuk pranuan të komentojnë paralajmërimet e VMRO-DPMNE-së për inicimin e ligjit për shqipen. Premtimi i VMRO-DPMNE-së për të iniciuar ligj për gjuhën shqipe vjen pas parimit që partia e Gruevskit ka vendosur në Kuvend, e që nënkupton se opozita do të iniciojë gjithçka që LSDM-ja ka premtuar në fushatë parazgjedhore. Ligji për gjuhën shqipe dhe deklarata e përbashkët e partive shqiptare për më tepër se dy muaj ishin arsye e protestave në Maqedoni e që kulmuan me ngjarjet e përgjakshme më 27 prill në Kuvend. Jo zyrtarisht mësohet se VMRO-DPMNE-ja si ligj për shqipen do të propozojë ligjin që i kishte ofruar BDI-së gjatë bisedimeve për koalicion, por me modifikime në disa fusha si uniformat e policisë, mbishkrimet në institucione dhe aplikimi i shqipes edhe në komunat pa shumicë shqiptare.

 

Lajme të ngjashme

Leave a Reply

Your email address will not be published. Required fields are marked *

Back to top button