Rama publikon platformën e qeverisjes me qytetarët

Kryeministri Rama ka publikuar një draft të parë të asaj që ai e cilëson platforma e bashkëqeversijes me qytetarët. Në portalin shqiperiaqeduam.al theksohet se kjo është një platformë e hapur komunikimi e ndërveprimi me qytetarët që do të shërbejë për t’i dëgjuar ata në kohë reale, për çështje të aktualitetit politik dhe qeverisës.

“Qeveria e re do të jetë në një koalicion real me njerëzit e zakonshëm”, nënvizon platforma, ku ndër të tjera theksohet se “Shqipëria që duam është mbi të majtën e mbi të djathtën. Shteti që duam është i qytetarëve, jo i pushtetarëve. Sfidat e Shqipërisë sot nuk janë sfida socialiste apo demokrate, por janë sfida shqiptare”.