fbpx

‘Si një katastrofë nëpër filma’, sërish zjarr në Londër, 60 zjarrëfikëse për të shuar flakët

Një ndër tregjet më të rëndësishme në Londër është përfshirë nga zjarri gjatë mesnatës, e ndërsa nuk raportohet për të lënduar.

Mësohet se zjarri ka rënë rreth orës 00:10 në tregun “Camden Lock”, treg i cili përbëhet nga më shumë se 1,000 dyqane e salla dhe tërheq me mijëra turistë çdo javë.

Mbi 60 forca zjarrëfikse dhe 8 mjete për shuarjen e zjarrit kanë mbërritur me shpejtësi në vendin e ngjarjes, duke bërë të mundur shuarjen e flakëve. Banorët përreth tregut janë evakuuar për siguri, edhe pse apartamentet e tyre nuk rrezikoheshin nga flakët.

Dëshmitarët nga vendi i ngjarjes e kanë përshkruar si një skenë nëpër filma. 19- vjeçari James Broën tregon se flakët po përhapeshin me shpejtësi, e ndërsa askush nuk mund të bënte asgjë përveç se të luteshin që të mos kishte njeri brenda.

Ishte sikur në një film. Ishte e tmershme, nuk po pushoja së qari. Të gjithë po luteshim që të mos kishte njeri brenda”, u shpreh ai.

Një tjetër shprehet “I bëmë thirrje policisë që të bllokonte trafikun, sepse ishte shumë e rrezikshme. Zjarri po fluturonte me shpejtësi”.

Flakët e zjarrit u vunë nën kontroll vetëm pas 2 orësh “luftë”. Kjo është hera e dytë që ky treg përfshihet nga flakët.

Më herët në 2008 “Camden Lock Market” u përfshi nga një zjarr i madh i cili çoi në mbylljen e tij. Londra është në gadishmëri, pas zjarrit që ra në “Grenfell Tower”, në të cilën u regjistruan viktima dhe dhjetëra të plagosur.

Lajme të ngjashme

Leave a Reply

Your email address will not be published. Required fields are marked *

Back to top button