Merkel: Manifestimet e dhunshme rrezikojnë jetën
Kancelarja gjermane, Angela Merkel, e cila këtë vit mban presidencën e radhës të G20-ës, i cilësoi të papranueshme manifestimet e dhunshme, që u zhvilluan kundër Samitit G20 që po mbahet Hamburg, në Gjermani.
“Manifestimet e dhunshme rrezikojnë jetën dhe për këtë arsye janë të papranueshme”, deklaroi ajo në një konferencë shtypi, raporton AFP.
“Shumë automjete të policisë u dogjën, rreth 160 policë u plagosën lehtë dhe të paktën 45 persona u arrestuan”, sipas policisë.
Para incidenteve të shumta, 20000 policët e vendosur tashmë në qytet kanë kërkuar forca shtesë.
