fbpx

Athinë, java e dytë e grevës së punonjësve të shërbimeve komunale

Kryeqyteti i Greqisë Athina mbetet e mbuluar me grumbuj mbeturinash edhe në javën e dytë me radhë, pasi punonjësit e shërbimeve komunale kërkojnë kontrata të përhershme, raporton Anadolu Agency (AA).

Ndërsa temperaturat arrijnë deri në 40 gradë Celsius, dhe pritet të shkojnë edhe më lartë nga e premtja, koshet e mbeturinave që kanë vërshuar kryeqytetin grek e bëjnë të vështirë për vendasit dhe vizitorët të ecin nëpër qytet.

Qeveria e Greqisë ka propozuar një projekt-ligj të ri për të cilin kritikët thonë se do të linte mijëra punëtorë me kontrata të përkohshme pa punë.

Masa për t’i dhënë fund përdorimit të gjerë të stafit jo të përhershëm është pjesë e masave të shkurtimit të shpenzimeve që lidhen me krizën ekonomike të vendit.

Qindra kontraktorë demonstruan jashtë Parlamentit grek të enjten në mëngjes. Një punonjës i shërbimeve komunale, Charalabidis Xenofon, 45 vjeçar, tha për AA se po kërkojnë të drejtën e tyre për punë të përhershme.

“Të gjithë kontraktorët janë këtu, sepse ligji i ri që qeveria dëshiron ta kalojë do të kushtojë mijëra vende pune. Unë jam një nga këta njerëz vetë. Unë kam qenë kontraktor që nga viti 2014 dhe tani jam në rrezik të humbasë punën time”, shtoi ai.

Nga ana tjetër, pamja e grumbullimit të plehrave në rrugët e kryeqytetit grek gjatë kulmit të sezonit turistik ka zemëruar disa persona.

Një athinas, duke ecur në qendër të qytetit, tha për AA se është “i zhgënjyer” nga situata.

“Mbeturinat që po grumbullohen ndikojnë tek të gjithë. Unë jam aq i shqetësuar nga era, pamja, imazhi që u japim turistëve, të cilët janë burim kryesor i të ardhurave për vendin tonë”, tha athinasi, i cili vetëm dha emrin e tij si Labros.

Vizitorët e huaj që përpiqeshin të shëtisnin qytetin të enjten në mëngjes u përballën gjithashtu me mbeturinat në rritje.

“Vura re se Athina është vend i bukur, por është më pak i pastër”, tha Kate, 22 vjeçare nga Kanadaja. “Do t’i thoja dikujt se Greqia është e bukur, por jo vendi më i pastër”, shtoi ajo.

Lajme të ngjashme

Leave a Reply

Your email address will not be published. Required fields are marked *

Back to top button