Mesila Doda mbetet jashtë Parlamentit, dy lëvizjet e heshtura të politikanes
Sipas rezultateve të deritanishme, PDIU nuk ka marrë asnjë mandat në Tiranë duke lënë jashtë Parlamentit kryetarin e kësaj force, Shpëtim Idrizi. Ndërsa numërimi i kutive të fundit po diskuton mandatin e kryesuesit Idrizi, për numrin dy të listës Mesila Doda nuk ka asnjë mundësi që të jetë pjesë e Parlamentit, si deputete e PDIU-së.
Edhe pse ka zhvilluar një fushatë intensive, të parën me këtë forcë politike, pas largimit nga Partia Demokratike, e renditur e dyta në Tiranë, Doda nuk ka mundur të sigurojë një vend në Parlament, edhe pse PDIU deri tani është forcë e katërt në vend.
Ndërkaq, Mesila Doda, mbrëmjen e djeshme, teksa rezultatet po tregonin mbetjen e saj jashtë Parlamentit, në faqen e saj zyrtare, të përdorur deri tani për fushatë dhe deklarata politike e qytetare, në vend të një deklarate, ndryshoi foton “cover”. Fotoja ka në sfond flamurin shqiptar dhe përcjell qëndrimin e pandryshuar të Mesilës, të mbrojtur dhe gjatë fushatës me PDIU “Veç një atdhe”.
Ajo ka ndryshuar foton “cover” edhe në profilin personal ku fytyra i përcjell gjithashtu një ndjesi që mund të shpjegohej edhe me qëndrimin për rezultatin ndërsa mjedisi ku ndodhet mbetet gjithsesi festiv.
Pres qe zonja te behet Ministre !?
Sepse keshtu do te jete me mire per Maqedoncit e Vmro!!!?