Han: Qytetarët e Maqedonisë meritojnë gjyqësor të pakorruptuar

Eurokomesari për zgjerim dhe fqinjësi të mirë, Johanes Han, në një intervistë për “REL” në gjuhën maqedonase thotë se në lidhje me reformat e paralajmëruara gjyqësore plotësisht i beson ekspertit, Rajnhard Pribe dhe ekipit të tij. Në lidhje me PSP-në, ai thotë se tani radha është e Qeverisë që të diskutojë për atë se çfarë më tej, njofton Portalb.mk.

“Ajo që absolutisht është e nevojshme është që të kthehet besimi në gjyqësorin e pavarur, kualitetin e gjyqësisë. Unë mendoj se ajo është edhe qëllimi që punojnë në të, prokurorë, gjykatës, zyrtarë shtetëror dhe mendoj se gjithashtu, qytetarët e vendit e meritojnë, që gjyqësori të mundet të funksionojë në mënyrë funksionale, të pavarur dhe të pakorruptuar”, thotë Han.