Gjykata Supreme i lejoi Trampit ta aplikojë ndalesën për udhëtim në SHBA
Gjykata Supreme e SHBA-së e ka rrëzuar urdhrin e gjykatës më të ulët, me të cilin ishte bllokuar ndalesa e udhëtimit për shtetasit e gjashtë vendeve me shumicë myslimane, të administratës së presidentit, Donald Tramp, transmeton MIA.
Ky vendim i sotëm i Gjykatës Supreme do të thotë se urdhri ekzekutiv i presidentit Tramp mund të imponohet pjesërisht.
Gjykata e ka lënë një kategori të pandryshuar të mbrojtjes së personave të jashtëm, ata që janë “me pretendim të besueshëm për marrëdhënie me person ose entitet në Shtetet e Bashkuara”.
Në opinionin e sotëm të gjykatës, i cili nuk është i nënshkruar, theksohet, po ashtu, se është pajtuar për dëgjim të argumenteve për këtë rast në muajin tetor.
Ky vendim konsiderohet fitore e presidentit Tramp në kundërthënien më të madhe juridike të presidencës së tij, që filloi më 20 janar të këtij viti.
Ndalesa do të imponohet për shtetasit e Iranit, Libisë, Somalisë, Sudanit, Sirisë dhe Jemenit, që përpiqen të hyjnë në Shtetet e Bashkuara.
Javën e kaluar Tramp tha se ndalesa do të fuqizohet 72 orë pasi të vendos gjykata.
Administrata Tramp insiston se ndalesa është e domosdoshme për sigurinë kombëtare të SHBA-së, përkundër ankesave të kritikëve që thonë se ajo i përmend myslimanët dhe kjo paraqet shkelje të Kushtetutës amerikane.
