Haradinaj pohon se ka siguruar shumicën
Një nga kandidatët e mundshëm për kryeministër të Kosovës, Ramush Haradinaj pohon se ka siguruar shumicë prej 61 deputetëve për formim të qeverisë.
Ai theksoi se nuk bëhet fjalë për tregti me deputetë dhe se gjithçka është bazuar në “respektim të vullnetit të lirë”.
“Gjendja nuk është ashtu siç prezantohet në media. Në këtë rast unë paraqes vetëveten, Aleancën dhe koalicionin. Kjo do të thotë se kam të drejtë të negocioj dhe partitë të cilat negociojnë me mua nuk kanë shkak të negociojnë me ndonjlë tjetër”, e transmeton “Koha” deklaratën e Haradinajt.
