Kriza eventuale me refugjatë, Spasovski: Maqedonia është e gatshme

Maqedonia nuk do të ndërtojë qendra të reja për refugjatë. Kemi dy, këtë në Gjevgjeli dhe në Tabanoc për të cilat konsiderojmë se janë të mjaftueshme. Ato shërbyen për pranim dhe transitim të emigrantëve në valën e krizës së refugjatëve drejt vendeve të BE-së dhe atë dedikim të vet do ta kenë nëse sërish vjen deri te intensifikimi i krizës së refugjatëve.

Këtë e deklaroi ministri i Punëve të Brendshme, Oliver Spasovski, i cili sot me ambasadorin e Sllovakisë, Martin Bezak sot e vizituan qendrën e pranimit “Vinojug” në Gjevgjeli, me rastin e rotacionit të tetë të kontigjentit policor nga Sllovakia.

“Si vend jemi mjaft të përgatitur për përballje me krizën e refugjatëve. E ndjekim gjendjen në atë drejtim dhe do të veprojmë njejtë si deri më tani që nga ana e vendeve nga ‘Ruta ballkanike’ dhe komuniteti ndërkombëtar është vlerësuar si mjaft mirë në çdo pikëpamje”, theksoi Spasovski.

Ambasadori i Sllovakisë, Martin Bezak potencoi se në interes të vendit të tij është që kjo rutë të mbetet e mbyllur dhe se do të bëjnë gjithçka që të jetë ashtu.

“Në tetë rotacionet deri më tani për ndihmë dërguamj 190 policë të cilët u ndihmojnë kolegëve të tyre nga Maqedon ia në vëzhgimin dhe sigurimin e kufirit. Deri në fund të vitit do të dërgojmë edhe disa dhjetëra policë. Sllovakia do të vazhdojë ta ndihmojë Maqedoninë, ndërkaq në mënyrë të vet adekuate këtë duhet ta bëjnë edhe vendet e tjera nga Ruta ballkanike dhe BE-ja”, tha Bezak.

Si shembull e ceki vitin 2015 kur në valën e krizës së refugjatëve Sllovakia ishte vendi i vetëm që i dërgoi Maqedonisë tetë vagonë për transport të refugjatëve.

Lajme të ngjashme

Leave a Reply

Your email address will not be published. Required fields are marked *

Back to top button