Taleskin do ta gjykojë gjykatësja “swarovski”
Gjykata Penale e miratoi aktakuzën për rastin “Transporter” që e ka hapur Prokuroria Speciale Publike (PSP) kundër 21 personave, mes të cilëve është edhe kryetari i Komunës së Manastirit, Vlladimir Taleski, njofton Portalb.mk.
Lënda është dërguar te gjykatësja Lidija Petrovska, emri i së cilës u përmend në bisedat e përgjuara që i publikoi opozita e atëhershme. Në opinion e njohur si gjykatëse “swarovski” sepse sipas bisedave, për avancimin e saj i ka blerë stoli kryetares së Gjykatës Supreme, Lidija Nedellkova.
Petrovska është gjykatëse edhe në rastin “Fortesa 2”, që gjithashtu e ka hapur PSP-ja për falsifikim të dokumenteve me të cilat u mbulua heqja e pajisjes.
Termini për mbajtjen e debatit kryesor akoma nuk është caktuar. Taleski akuzohet për mashtrim me udhëtimin publik të nxënësve të Manastirit.
Ja biseda ku u përmend gjykatësja Petrovska nga kolegia e saj Sofija Laliçiq e cila ish drejtorit të DSK-së, Sasho Mijallkov i shpjegonte se si Petrovska i ka dhënë stoli prej swarovski kryetarës së Gjykatës Penale, Lidija Nedellkova.
LEXO: PSP ngre akuzë ndaj kreut të Manastirit, Vlladimir Taleskit