Katari mohon akuzat për komplot për të destabilizuar Bahreinin

Katari ka përgënjeshtruar të shtunën akuzatn se tenton të minojnë sigurinë në Bahrejnin fqinj, raporton Anadolu Agency (AA).

Të premten, agjencia zyrtare e lajmeve të Bahreinit, BNA, transmetoi një telefonatë për të cilën tha se është bisedë me Hamad bin Khalifa al-Attiyah, një këshilltar i emirit të Katarit dhe Hassan Ali Joma, një udhëheqës i lëvizjes shiite Al-Wefaq të opozitës në Bahrain.

Agjencia akuzoi Dohan zyrtare se po përzihet në punët e brendshme të Bahreinit me qëllim që të përmbys regjimin e atjeshëm.

Në përgjigje, Ministria e Jashtme e Katarit përmes një komunikate tha se thirrja telefonike ishte pjesë e përpjekjeve të Katarit për të ndërmjetësuar midis autoriteteve të Bahreinit dhe opozitës pas acarimit të marrëdhënieve nga trazirat e vitit 2011 në Bahrein.

Deklarata tha se kontaktet ishin bërë “me miratimin dhe njohjen e autoriteteve në Bahrein”.

“Ndërmjetësimi i Katarit është ndalur pas vendimit për ndërhyrje ushtarake për të shpërndarë protestat”, thuhet në deklaratë, duke iu referuar vendimit për të dërguar forcat e udhëhequra nga Arabia Saudite për të shuar protestat.

Arabia Saudite, EBA-të, Egjipti, Bahreini dhe Jemeni më 5 qershor deklaruan ndërprerjen e të gjitha marrëdhënieve diplomatike me Katarin të cilin e akuzojnë për destabilizim të rajonit dhe mbyllën hapësirën ajrore për Katarin, si dhe urdhëruan të gjithë diplomatët e Katarit të lëshojnë vendet në fjalë në afat prej 48 orësh.

 

Lajme të ngjashme

Leave a Reply

Your email address will not be published. Required fields are marked *

Back to top button