Mbyllet ura në Londër, dyshohet për sulm terrorist (VIDEO)
Policia e Britanisë së Madhe është duke u marrë me një incident në urën e Londrës, pasi një makinë ka hyrë në pjesën e këmbësorëve. Sipas mediave lokale disa persona janë plagosur pasi qe një furgon i bardhë ka goditur dhjetëra këmbësorë, duke lënë të plagosur disa prej tyre.
Incidentin e ka konfirmuar policia britanike, ku thuhet se janë duke hetuar se çka ka çuar deri te ky incident.
“Merremi me rastin që ka ndodhur në Urën e Londrës dhe kur të kemi më shumë informata do t’i shpalosim ato”, është deklarata zyrtare e policisë.
Derisa policia po merret me këtë rast, Ura e Londrës është bllokuar për qarkullim nga të dy anët e saja.
Më pas, sipas dëshmitarëve për mediat, ka pasur edhe të plagosur nga therrja me thikë.
Incidenti ndodh 2 javë pas sulmit në Manchester, ku mbetën të vdekur 22 persona.
Footage from London Bridge #BreakigNews pic.twitter.com/T3KZME2QdZ
— Kaine Pieri (@PieriKaine) June 3, 2017