Erion Veliaj marton live çiftin në Big Brother

Për herë të parë në një reality show, një çift që janë njohur, janë dashuruar dhe janë martuar në Big Brother. Edhe pse kanë pasur kundërshtimin e familjarëve, Danieli dhe Fotinia kanë qenë të vendosur deri në fund dhe janë martuar në shtëpi.

Pjesë e këtij celebrimi ka qenë vetë kryetari i bashkisë së Tiranës, Erion Veliaj, i cili, para se të shpallte burrë edhe grua Danielin dhe Fotininë, i përgëzoi ata për kurajën dhe u kërkoi që të jenë të vërtetë dhe prej vërteti edhe jashtë shtëpisë së Big Brother, transmeton Revistaclass.

Pjesë e kësaj ceremonie të veçantë u bënë të gjithë banorët e shtëpisë së Big Brother, të cilët e kanë përgëzuar çiftin.