BE do t’i ndjekë zgjedhjet në Kosovë me 100 vëzhgues

Bashkimi Evropian do të dërgojë mision prej 100 vëzhguesish për ndjekjen e zgjedhjeve të parakohshme parlamentare në Kosovë që do të mbahen më 11 qershor.

Me unanimitet është miratuar memorandumi i bashkëpunimit në mes të KQZ dhe Bashkimit Evropian për vëzhgimin e zgjedhjeve.

Kryesuesja e KQZ-së Valdete Daka ka thënë, se edhe në këto zgjedhje sikur edhe në ato të vitit 2014 do të ketë një mision vëzhgues të Bashkimit Evropian.

“Nga shefja e Zyrës së BE-së në Kosovë. Natalia Apostolova mora konfirmimin se nga BE-ja do të jenë 100 vëzhgues. Sipas të gjitha gjasave të shtunën do të zbarkojnë, por sigurisht se duhet të miratohet memorandumi i Bashkëpunimit me BE-në në mënyrë që ky mision vëzhgues të filloj vëzhgimin e tërë procesit”, ka thënë ajo për botimin elektronik të gazetës prishtinase “Ekspres”.

Lajme të ngjashme

Leave a Reply

Your email address will not be published. Required fields are marked *

Back to top button