Kuvendi bullgar bëri thirrje në zgjidhje politike të krizës në Maqedoni
Kuvendi popullor i Bullgarisë ka shprehur shqetësim të thellë për shkak të zhvillimit të krizës në Maqedoni.
“Hyrja në ndërtesën e Parlamentit të Maqedonisë dhe sulmi fizik mbi deputetët meritojnë dënim të ashpër”, thuhet në deklaratën, të cilën e ka miratuar Kuvendi i 44-të popullor bullgar”, transmeton BTA.
Dokumenti sot është votuar në seancë plenare dhe i mbështetur unanimisht nga të gjitha grupet parlamentare.
Sipas Parlamentit bullgar, agresioni ndaj përfaqësuesve të popullit është i palejuar, si dhe mbi institucionin e parlamentit dhe demokracinë. Dhuna nuk mund të jetë mjet për zgjidhjen e kontesteve politike.
Parlamenti bullgar ka shprehur mbështetje për unitetit shtetëror dhe integritetin territorial të Republikës së Maqedonisë.