Lu: Bashkimi Shqipëri-Kosovë cënon stabilitetin e Ballkanit

Për Shtetet e Bashkuara të Amerikës, bashkimi i Shqipërisë me Kosovën cënon stabilitetin e rajonit.

Ambasadori i SHBA-ve në Tiranë, Donald Lu tha sot se “qeveria amerikane mbështet sovranitetin e Kosovës dhe Shqipërisë, por është kundër çdo diskutimi të pakujdesshëm për bashkim”, transmeton Top Channel.

“Ai pengon stabilitetin e rajonit dhe rrugën europiane për të dyja vendet”, tha Lu në një deklaratë për rrjetin “BIRN”.

Deklarata më e fortë për një bashkim të mundshëm të Shqipërisë me Kosovën erdhi nga presidenti i Kosovës, Hashim Thaçi, i cili duke kritikuar Bashkimin Europian për vonesën e proceseve integruese të tij theksoi se, nëse BE i mbyll derën Kosovës, të gjithë shqiptarët në rajon do të jetojnë në një hapësirë të vetme, për t’u integruar pastaj më tej në familjen evropiane.

Por deklarata e Thaçit për “Radio Europa e Lirë” erdhi pas asaj të Edi Ramës, i cili me tone të tjera ngriti shqetësimin se vonesa e BE do të rrisë zërat nacionalistë dhe pavarësisht se mënyra e vetme për të ruajtur një Ballkan paqësor është bashkëpunimi.

“Nëse nuk ka shpresë, nuk ka perspektivë, nuk ka hapësirë, atëherë sigurisht që edhe unionet e vogla mund të ndodhin, tha kryeministri Rama për “Politico”.

Lajme të ngjashme

Leave a Reply

Your email address will not be published. Required fields are marked *

Back to top button