Lista e komunave të cilat i dhanë më shumë vota Iljaz Halimit

Për dallim nga zgjedhjet e vitit 2009 për president të Maqedonisë kur kishte tre shqiptarë në garë, këtë radhë Iljaz Halimi ishte kandidati i vetëm shqiptar.
Por fakti i tillë nuk i ndihmoi shumë profesorit dhe partisë e cila e nxori atë si kandidat, PDSH pasi që ai mori numër shumë të vogël të votave. E gjithë kjo, sipas analistëve vjen si pasojë për shkak se shqiptarët lexuan lojën e PDSH-së me VMRO-në dhe nuk u bënë pre e saj.

Mirëpo, për dallim nga Mirushe Hoxha e cila ishte kandidate për president e PDSH-së në vitin 2009, Halimi ka marrë 8741 vota më shumë. Hoxha atëbotë mori 30.225 vota.

Nëse i kemi parasysh këto numra, deri diku mund ta parashikojmë rezultatin e zgjedhjeve parlamentare të 27 prillit. Nga kjo që shohim PDSH është më e fuqishme në komunën e Tetovës, Gostivarit, Bogovinës, Tearcës dhe Likovës ku ka tejkaluar shifrën e mbi 2 mijë votave.  /Portalb