Ivanov: Do të fitojmë edhe raundin e dytë së bashku me 62 deputet
Kandidati i VMRO-DPMNE-së, Gjorge Ivanov shpalli fitoren e tij në raundin e parë të zgjedhjeve presidencale në Maqedoni. Ai tha se ka fituar 436 mijë vota sipas listës partiake.
Ai tha se sot qytetarët e kanë zgjedhur ofertën më të mirë dhe personin i cili do të vazhdojë të punojë për ardhmërinë e tyre.
“Sot qytetarët zgjodhën konceptin tonë, konceptin e reformave dhe fjalës së mbajtur. Konceptin e punës ekipore për të mirën e Maqedonisë. Konceptin e ndershmërisë, patriotizmit, reformave dhe vendeve të reja të punës” tha Ivanov.
Qytetarët dinë ta bëjnë dallim, ata nuk zgjodhën fyerjet dhe nënçmimet që na u bënë, tha ai.
“Jam i bindur për fitore të dyfishtë edhe në raundin e dytë, më 27 prill, si në ata presidenciale ashtu edhe në ata parlamentare me 62 deputetë” tha mes tjerash Ivanov.
Gruevski: Kjo është rrugë e mbarë për të marrë 62 deputet
Kryeministri i Maqedonisë dhe njëherit Lideri i VMRO-DPMNE-së Nikolla Gruevski deklaroi se është i kënaqur me rezultatet që sipas tij treguan fitore të bindshme me dallim prej rreth 118 mijë vota.
“Ne jemi të kënaqur dhe kjo na jep forcën për realizimin e qëllimit tonë final më 27 prill të fitojmë 62 ulëse në Kuvend. LSDM-në e fituam gjithkund në çdo komunë përveç në Haraçinë, Saraj, Cucer Sandev dhe Karposh”, deklaroi Gruevski.
