LSDM: Gruevski po e gënjen vetën, atë e pret ballafaqimi me realitetin!
Nikolla Gruevskit i mundon mendja e shëndoshë, ai nuk mund të pajtohet me atë se tani më një vit nuk është kryeministër dhe se nuk mund të bëjë asgjë që të rikthen kohën, për shkak se koha e tij në politikë ka përfunduar, thonë nga LSDM, nëpërmjet një komunikate për media, transmeton Portalb.mk.
“Për këtë Gruevski viziton studentët, hap salla sportive, shfrytëzon telefona zyrtarë, bën takime me ministra si shoqërues… Gruevski është i hutuar sepse nuk mund t’i pranojë ndryshimet që do të ndodhin dhe drejtësinë me të cilën ai duhet të ballafaqohet, sepse ka bërë shumë krime për 10 vite qeverisje”, thuhet në kumtesën e LSDM-së.
