Lofven: Arrestohet një person lidhur me sulmin në Stockholm

Kryeministri i Suedisë, Stefan Lofven ka theksuar se një person është arrestuar lidhur me sulmin e sotëm në Stockholm, raporton Anadolu Agency (AA).

Ai theksoi se të gjitha indikacionet me të cilat autoritetet disponojnë çojnë në atë se bëhet fjalë për një “sulm terrorist”.

Njëkohësisht, policia suedeze njoftoi se bëhet fjalë për sulm që lidhet me terrorizmin.

Së paku tre persona humbën jetën kur një kamion hyri në një dyqan të madh në kryeqytetin e Suedisë, Stockholm. Radioja e Suedisë, transmetoi se në ngjarje kanë humbur jetën 3 persona.

Ndërsa televizioni shtetëror i Suedisë, SVT njoftoi se në rajon janë dëgjuar të shtëna armësh. Policia njoftoi se kanë marrë njoftim se një automjet ka plagosur disa persona në rrugën Drottninggatan, në qendër të qytetit.

Lajme të ngjashme

Leave a Reply

Your email address will not be published. Required fields are marked *

Back to top button