Vritet me shtatë plumba një 26 vjeçar në Itali
Një 26-vjeçar shqiptar është vrarë sot në mëngjes me shtatë plumba. Nimet Ziberi u ekzekutua pranë një supermarketi, në provincën Rimini të Italisë.
Në momentin e të shtënave, Ziberi po fuste në makinën “Mercedes A-Class”, bashkë me bashkëshorten, produktet e blera.
Ngjarja ka ndodhur rreth orës 11:30, në parkingun e supermarketit, ndërsa vrasësi është larguar pa lënë gjurmë, transmetojnë mediat shqiptare.
Nga hetimet e para, del se ekzekutimi i Ziberit është kryer me një pistoletë të kalibrit 7.65 dhe plumbat e kanë zënë në kraharor.
Dëshmitarët thonë se, përveç ekzekutorit ndodheshin dhe dy persona që e prisnin atë në një makinë aty pranë.
Sipas policisë, mund të kemi të bëjmë një vrasje për larje hesapesh. Nimet Ziberi ishte banorë në Misano tw Riminit.