Fillojnë zgjedhjet presidenciale në Serbi
Qytetarët serbë iu drejtuan sot kutive të votimit për zgjedhjen e presidentit të ri të vendit.
Qendrat e votimit u hapën në orën lokale 07:00.
Në këto zgjedhje marrin pjesë 11 kandidatë, ku më të favorizuarit janë kryeministri aktual, Aleksandar Vuçiç, ultranacionalisti Vojislav Sheshelj dhe ish-kandidati për sekretar të përgjithshëm të OKB-së, Vuk Jeremiç.
Në të gjithë vendin janë hapur 8 523 qendra votimi, nga të cilat 8 224 në bashki dhe qytete dhe 29 në institucionet penitenciare.
Të paktën 90 qendra votimit janë hapur edhe në Kosovë dhe 53 në 32 vende të ndryshme të botës.