Shkup, babai godet djalin me thikë

Një tragjedi familjare ka ndodhur në një familje në lagjen “Butel” të Shkupit, me ç’rast janë konfrontuar fizikisht babai me djalin, pas një debati familjar.

Siç ka njoftuar policia e Shkupit, mbrëmë pas orës 21:00, në rrugën “Butelska” në Shkup, pas një debati babai S.C. (52), ka goditur me thikë djalin e tij.

Pas këtij akti makabër, babai vet është paraqitur në polici, ndërsa djali me plagë të rënda nga goditja me thikë, menjëherë është dërguar në Qendrën urgjente në Shkup.