Dy vite burg për Fazliun, që shkaktoi zjarrin në postë
Dy vite burg për Armend Fazliun i cili shkaktoi zjarrin në Postat e Maqedonisë, vendosi Gjykata penale në Shkup.
Ai dënohet për vepër të rëndë, rezik për sigurinë e përgjithshme dhe sipas gjykatës zjarri i madh është shkaktuar në zyrën e tij.
Fazliu është mbrojtur duke thënë se është i pafajshëm, se nuk ka pirë cigare në zyrë dhe sipas tij zjarri ka shpërthyer nga instalimi i keq elektrik.
Drejtori i postave Aliti nuk është kyçur në ndjekjen penale kundër shefit të tij të kabineti dhe kushëririt dhe nuk ka kërkuar kompensim për shkak se kompania e sigurimeve do ti mbulojë dëmet.