Arrestime masive në Shkup dhe Koçan
Ministria e Punëve të Brendshme (MPB) ka vazhduar sot me arrestime masive në Shkup dhe Koçan.
Sipas informacioneve të para të publikuara në disa media proqeveritare theksohet se personat e ndaluar janë pjesë e një rrjeti që ka keqpërdorur liberalizimin e vizave dhe ka organizuar azilantët e rrejshëm, duke i transportuar drejt vendeve evroperëndimore.
Grupi po organizonte qytetarët e Maqedonisë Lindore, dhe përmes Kosovës po i transportonte në Gjermani dhe vende tjera, duke i mundësuar paraqitjen e tyre si azilkërkues.
MPB theksoi se gjatë ditës do të jepen hollësi mbi tërë operacionin e realizuar.
