Monografi Unike për Prishtinën, libri më i ri nga Sanije Gashi
Gazetarja dhe publicistja prishtinase Sanije Gashi sjell librin, dedikuar kryeqytetit kosovar. Libri Monografi Unike për Prishtinën, është libër luksi, një vulë e veçantë për kryeqytetin, ngase autorja në të zbulon Prishtinën nga një aspekt tërësisht të panjohur. Në këtë libër unik ngërthehen ngjarjet, njerëzit, jeta e dikurshme prishtinase, monumentet e rëndësishme kulturore dhe historike, atraksionet e pathëna deri më tani nga personalitetet dhe njerëzit e zakonshëm prishtinas, ngjarje të kryeqytetit tonë të paraqitura nga një perspektivë unike.
Ky libër është botim i dytë i plotësuar në gjuhën shqipe- ndërsa i pari në gjuhën angleze, me parathënie nga shkrimtarja / publicistja Miranda Haxhia.
