Angellov: Protestuesit e VMRO-DPMNE-së e rrezikojnë Maqedoninë
“Është më se e qartë se protestat janë të organizuara nga VMRO-DPMNE. Besoj se qytetarët të cilët dalin në protestë mendojnë se me të vërtetë e mbrojnë unitaritetin e shtetit edhe pse nuk janë të vetëdijshëm se në atë mënyrë vetëm mund ta rrezikojnë Republikën e Maqedonisë”, porositi lideri i partisë “Dinjiteti”, Stojançe Angellov, njofton Portalb.mk.
Për protestat e të ashtuquajturës iniciativë qytetare “Për Maqedoni të përbashkët”, thotë unitariteti i shtetit nuk është i rrezikuar dhe se, sipas tij, ligjet “kontestuese që dalin nga Platforma nuk mund të sillen pa dy të tretën e shumicës parlamentare”.
Angellov, gjithashtu i bëri edhe thirrje presidentit Gjorge Ivanov që “të mos e shkelë Kushtetutën dhe t’ia japë mandatin Zoran Zaevit të LSDM-së”.