Strugë, fillojnë përgatitjet për sezonin turistik
Komuna e Strugës ka filluar një tjetër aksion për ruajtjen e imazhit, për një qytet të pastër. Ndërkohë që punëtorët e NPK Komunalja po rregullonin dhe pastronin hapësirat e gjelbra përgjatë rrjedhës së Drinit të Zi , punëtorët e një firme të specializuar në këtë fushë filluan të pastrojnë shkallët e mermerta në të njëjtat hapësira.
Pa përdorur asnjë kimikat, detergjent apo materiale të ngjashme pastruese , të cilat janë tepër të dëmshme për bio-diversitetin dhe ambientin në përgjithësi, pas shumë kohësh vetëm me presion uji u pastruan shkallët përgjatë rrjedhës së lumit.
Me afrimin e hapjes së sezonit të ri turistik, të tilla aksione të ndërmarra nga ana e Komunës së Strugës dhe ndërmarrjeve publike do të intesifikohen me qëllim rritjen e cilësisë së pastërtisë dhe ruajtjes së imazhit të qytetit.