Kuçi: Tribunali dëmton Kosovën

Zëvendëskryeministri Hajredin Kuçi e ka pritur në zyrë të martën njeriun që heton pretendimet e listuara në një raport të Këshillit të Evropës, i cili flet për krime lufte të kryera nga Ushtria Çlirimtare e Kosovës (UÇK). Prokurorin Clint Williamson është munduar ta bindë që gjykimi për të gjitha pretendimet duhet të zhvillohet në Kosovë – shkruan Koha Ditore.

Takimi Kuçi-Williamson nuk ka qenë sy më sy. Nga pala kosovare aty ka qenë prezent edhe ministri i Punëve të Brendshme, Bajram Rexhepi. E në krah të prokurorit të TFHS-së ka qenë edhe shefi i misionit të EULEX-it, Bernd Borchardt.

“Unë dy gjëra i kam kërkuar: e para, që të jetë në funksion të drejtësisë që kemi edhe ne; dhe e dyta, të jetë në funksion të imazhit tonë. Pra, jo ta dëmtojë luftën tonë dhe jo ta dëmtojë emrin e shtetit. Tribunali jashtë vendit absolutisht identifikon vendin dhe jo individët. Vetë emri, selia, zhvillimet e bëjnë këtë”, ka thënë Kuçi.

Është përmendur edhe një tjetër brengë, baras-vlerësimi i krimeve të pretenduara me atë nga më makabret, që përpos në ish-Jugosllavi, janë kryer edhe në disa vende. Kësisoj për gjykimin e tyre janë krijuar tribunave ndërkombëtare, duke përfshirë Gjykatën Penale Ndërkombëtare për Ruandën dhe Gjykatën Speciale për Sierra Leonën.

Lajme të ngjashme

Back to top button