BDI, kundër shtyrjes së zgjedhjeve lokale

BDI-ja dhe kuadrot e saj në krye të komunave shqiptare nuk janë të interesuar për shtyrjen e zgjedhjeve lokale. Nënkryetarja e integristëve që drejton Komunën e Tetovës, Teuta Arifi, deklaroi se BDI-ja kërkon respektimin e afatit ligjor që zgjedhjet do të mbahen në gjysmën e parë të muajit maj.

I pyetur nga Alsat nëse shtyrja eventuale e zgjedhjeve do të nënkuptonte thellim të krizës dhe rrezik që krerët shqiptarë të humbin pushtetin mbi komunat që drejtojnë, kreu i Gostivarit Nevzat Bejta deklaroi se ata janë të gatshëm të respektojnë vullnetin e qytetarëve.