fbpx

Institucionet pa “Republikë”

Organet që konsiderohen më peshë të madhe për shtetin, në emërtimet e tyre nuk e mbajnë fjalën “Republikë”.

Shumica e institucioneve qendrore të Kosovës, në emërtimet e tyre e bartin fjalën “republikë”, ndërkohë që këtë nuk e hasim në dy komponentët kryesore të rendit dhe sigurisë, e të cilat kanë peshë të madhe për secilin shtet normal – shkruan gazeta Tribuna.

Më herët, kur është formuar Policia e Kosovës, mungesën e fjalës “republikë” përfaqësuesit institucionalë e kishin justifikuar me prezencën ndërkombëtare, por tani që u mor vendimi për themelimin e Forcave të Armatosura të Kosovës (FAK), mospërmendja e kësaj fjale, nuk është arsyetuar nga askush pse ka ndodhur.

Përveç deklaratave jozyrtare se “Republika” është përjashtuar për shkak se akronimi i Forcave të Armatosura të Republikës së Kosovës do të ishte FARK, një akronim i cili njihet si ide e kamotshme që e kishte shpallur ish presidenti Ibrahim Rugova, gjatë kohës së luftës së fundit në Kosovë. Ndonjë deklarim zyrtar nuk është bërë deri më tani.

Lajme të ngjashme

Back to top button