Sërish më i pasuri në botë
Bashkëthemeluesi i kompanisë Microsoft, Bill Gates, është i pari në listën e njerëzve më të pasur në botë, që e ka publikuar revista Forbes.
Në këtë listë sivjet gjenden 1645 miliarderë në gjithë botën, që është numër rekord.
Bill Gates, i cili ishte i pari në këtë listë 15 herë në 20 vitet e fundit, këtë vit ia kaloi magnantit të telekomit meksikan, Carlos Slim Helu, i cili gjatë katër viteve të fundit ishte i pari në listë.
Pasuria e Gates është vlerësuar në 76 miliardë dollarë, ndërsa i dyti Slim Helu, me 74 miliardë dollarë.
Më së shumit miliarderë ka në Shtetet e Bashkuara, 492, pason Kina me 152 dhe Rusia me 111.
